Janum Ya Hussain A.S Noha Lyrics By Nadeem Sarwar

Janum Ya Hussain A.S Noha Lyrics

Nadeem Sarwar

Pakistani Famous Noha Khawan Nadeem Sarwer has recited Janum Ya Hussain A.S Noha. This Noha Lyrics of Janum Ya Hussain A.S noha is penned by Nadeem Sarwar, Rehan Azmi & Jawad Jafri, this noha is produced by Nadeem Sarwar.

Noha Details:

Noha: Janum Ya Hussain A.S
Recited & Lyricist: Nadeem Sarwar
Music Label: Nadeem Sarwar

Janum Ya Hussain A.S Noha Lyrics

Badshah Hamara Ya Hussain

Azadar-e-Hussain Sab Mil Ke Hum Aawaz Ho Ke
Haan Maula Ya Hussain Ya Hussain Ya Hussain Ya Hussain
Hussain Ka Jo Soag Hai Na Khatam Ho Ga Ba-Khuda
Muharram-o-Safar Na Hoon Tu Gham Na Ho Ga Sath Kya?

Zindagi Ke Sath Bhi Zindagi Ke Baad Bhi
Badshah Hamara Ya Hussain Janum Ya Hussain

Maula Aawaz Do Humein Parwaz Do
Hum Azadaron Ki Taqdeer Jaga Do
Aap Ka Sath Ho Aap Ki Baat Ho
Dil Mera Apna Azakhana Bana Do

Zindah Wafadari Rahe Farsh-e-Azadari Rahe
Tujh Pe Jeein Tujh Pe Marein Nokari Yeh Chalti Rahe
Hum Rahein Na Rahein Hum Jeein Na Jeein Hum Chalein Ya Rukein
Iss Jahan Ke Sath Bhi Iss Jahan Ke Baad Bhi

Tera Yeh Gham Sath Rahe Tera Karam Sath Rahe
Chalte Rahein Ahl-e-Azza Our Alam Sath Rahe
Har Qadam Dam Ba Dam Sath Ho Tera Gham Karbala Ki Qasam
Dharkano Ke Sath Bhi Dharkano Ke Baad Bhi

Maula Mere Dil Ki Sada Mang Raha Hoon Yeh Dua
Maula Tere Naam Rahe Jeena Mera Marna Mera
Aye Khuda Sun Sada Hai Yehi Iltija Tu Dikha Karbala
Iss Dua Ke Sath Bhi Iss Dua Ke Baad Bhi

Aaqa Sheh-e-Karb-o-Bala Tu Ne Bara Kam Kiya
Deen Pe Sab Waar Diya Phir Bhi Tera Sar Na Jhuka
Ghar Diya Sar Diya Ban Gaya LaIlaha Saj Gayi Karbala
Karbala Ke Sath Bhi Karbala Ke Baad Bhi

Jeetay Raho Ahl-e-Azza Dil Mein Rahe Karb-o-Bala
Shad Raho Chalte Raho Pehne Hoye Shal-e-Azza
Hai Dua Ho Sada Har Jagah Yeh Azza Yeh Sada Yeh Nawa
Majlison Ke Sath Bhi Majlison Ke Baad Bhi

Nabi Ali-o-Fatima Hasan Ke Chain Marhaba
Khuda Ke Noor Panjtan Ke Noor-e-Ain Marhaba
Sada Rahe Yeh Silsila Na Totay Tum Se Rabta
Tu Dharkano Mein Bas Gaya Tu Rooh Mein Sama Gaya

Tu Dharkano Mein Bas Gaya Hussain
Tu Rooh Mein Sama Gaya Hussain
Lahu Mein Mere Gonjta Hussain
Hamara Hai Atta Pata Hussain

Salam Ashiq-e-Khuda
Salam Jan-e-Mustafa
Salam Qalb-e-Murtaza
Salam Roh-e-Fatima
Salam Shah-e-Karbala
Ghareeb-e-Nainawa
Ghareeb-e-Fatima
Ghareeb-e-Murtaza

Watch "Janum Ya Hussain A.S Noha Lyrics" Video